වත්මන් ආර්ථික අර්බුදය හේතුවෙන් ලංකාවේ ජනගහනයෙන් මිලියන 12.3 ක්, බහුමාන අවදානමකට මුහුණ දී සිටින බව, එක්සත් ජාතීන්ගේ සංවර්ධන අරමුදල පවසනවා.
එයින් මිලියන 10.13 ක්, උතුර, නැගෙනහිර සහ උතුරුමැද යන පලාත්වන ජීවත් වන ජනතාවයි. ජනගහනයෙන් මෙතරම් විශාල ප්‍රමාණයක් බහුමාන අවදානමකට මුහුණ දී ඇත්තේ, පවතින ආර්ථික අර්බුදය සමග, ජනතාව සතු අඩු අධ්‍යාපනය, ණය බර සහ හදිසි තත්ත්වයන්ට මුහුණ දීමේ නොහැකියාව එකට අත්වැල් බැදගෙන ඇති බැවිනි.
එක්සත් ජාතීන්ගේ සංවර්ධන අරමුදල සහ Oxford’s Poverty and Human Development Initiative (OPHI) විසින් කරන ලද සමීක්ෂණයකින් මේ බව හෙළි වී තිබෙනවා.
ඒ අනුව, ජනගහනයෙන් 33.4% ක්, පවුලේ ආහාර අවශ්‍යතා සපුරා ගැනීම සදහා ණය වෙති.ඊට අමතරව, වෛද්‍ය ප්‍රතිකාර සපයා ගැනීම සහ අධ්‍යාපනය වැනි දේ සදහා ඔවුන් සතු රන් භාණ්ඩ උකස් තැබීම වැනි දේට පෙළඹී සිටින බව වාර්තා වනවා.
එමෙන්ම ජනගහනයෙන් 48.8% ක්, හදිසි ආපදා තත්ත්වයකට මුහුණ දීමට නොහැකි තත්ත්වයක සිටින බවද අදාල සමීක්ෂණයෙන් හෙළි වී තිබේ.
Leave a Reply