BREAKING NEWSEXCLUSIVEPOLITICS

අපේ සීයට තුන දැන් සීයට අසූවට නැගලා – විජිත හේරත්

ජනතා විමුක්ති පෙරමුණ ප්‍රමුඛ ජාතික ජන බලවේගයේ ඡන්ද ප්‍රතිශතය මේ වනවිට 3% සිට 75 – 80% දක්වා වර්ධනය වී ඇති බව එම පක්ෂයේ පාර්ලිමේන්තු මන්ත්‍රී විජිත හේරත් මහතා පවසයි.

මෙය කිසිසේත්ම අධි තක්සේරුවක් නොවන බව තරයේ අවධාරණය කළ ඒ මහතා 2024 වසරේදී අනිවාර්යයෙන්ම තම පක්ෂයේ ආණ්ඩුවක් පිහිටුවීම සඳහා ජනතාව දැනටමත් පෙළගැසී සිටින බවයි සඳහන් කළේ.

“විධායක බලයත් තියෙනවා, තුනෙන් දෙකේ බලයත් තියෙනවා, 69 ලක්ෂයක ඡන්දයත් හම්බුණා හැබැයි රටේ ජනතාවගේ ප්‍රශ්න විසඳන්න බැරිවෙලා තියෙනවා ආණ්ඩුවට. බඩුමිල අඩු කරන්න බැරිවෙලා තියෙනවා, තෙල් ටික දීගන්න බැරිවෙලා තියෙනවා, විදුලිය දීගන්න බැරිවෙලා තියෙනවා, පොහොර ටික දීගන්න බැරිවෙලා තියෙනවා, ඒ නිසා රටේ ජනතාවගේ බරපතළ විරෝධයක් එල්ල වෙලා තියෙනවා. ඔය කියපු සීයට තුන නෙවෙයි අද. අද ඒක සීයට හැත්තෑ පහට – අසූවට නැගලා තියෙන්නෙ”

විජිත හේරත් මහතා මේ බව පැවසුවේ ජනප්‍රිය යූටියුබ් නාලිකාවක් සමග සම්මුඛ සාකච්ඡාවකට එක්වෙමිනි.

Related Articles

Leave a Reply

Your email address will not be published.

Back to top button