BREAKING NEWSCOVID19 - UPDATESEXCLUSIVE

ඇස්ට්‍රාසෙනිකා දෙවන මාත්‍රාව හෙට බස්නාහිර පළාතේ තෝරා ගත් මධ්‍යස්ථාන 20ක දී

ඔක්ස්ෆර්ඩ් ඇස්ට්‍රාසෙනිකා එන්නතේ දෙවන මාත්‍රාව 08/01 දින සිට  බස්නාහිර පළාතේ තෝරා ගත් මධ්‍යස්ථාන 20 ක දී ලබා දීම ආරම්භ කරන බව සෞඛ්‍ය අමාත්‍ය පවිත්‍රා වන්නිආරච්චි මහත්මිය , ජපානයේ සිට රැගෙන ආ මෙම එන්නත් තොගය භාර ගනිමින් 07/31 දින සවස  කටුනායක ගුවන් තොටුපළේ දී පැවසුවාය .

මෙම එන්නත්කරණ වැඩසටහන 08/01 දින සිට දින 08 ක් බස්නාහිර පළාතේ සෞඛ්‍ය වෛද්‍ය නිලධාරී කොට්ඨාස කාර්යාල හෝ එම කොට්ඨාස තුළ පිහිටි ප්‍රධාන රෝහල් වල උදෑසන සිට රාත්‍රී වනතුරු  සිදු කරන අතර , කළබල නොමැතිව මෙම ස්ථාන වලට පැමිණ එන්නත ලබා ගන්නා ලෙසද ඉල්ලීමක් ද කළාය .

ඉන්දියාවෙන් මෙම එන්නත් ප්‍රමාණවත් පරිදි ලබා ගැනීම සදහා ඇනවුම් කළ ද , ඉන්දියාවේ මතු වූ බරපතළ ව්‍යසනකාරී තත්වය නිසා එම එන්නත් ලබා ගැනීමට අපහසු වූ බව ද එතුමිය  පැවසුවාය .

මෙසේ මෙම එන්නත් බස්නාහිර පළාත තුළ  ලබා දීමෙන් පසුව , ඉතිරි වන එන්නත් මාත්‍රා ප්‍රමාණය , ජනාධිපතිතුමාගේ ඉල්ලීම පරිදි කෑගල්ල ප්‍රදේශයේ ජනතාව වෙත ලබා දීමට කටයුතු කරන බව ද පැවසීය.

ජපාන රජයේ පරිත්‍යාගයක් ලෙස මෙලෙස ඔක්ස්ෆර්ඩ් ඇස්ට්‍රාසෙනිකා එන්නත් මාත්‍රා 728,460 ක් ශ්‍රී ලන්කන් ගුවන් සේවයේ ගුවන් යානයකින් 07/31 දින සවස කටුනායක ගුවන් තොටුපළ වෙත රැගෙන විත් තිබුණි .

Related Articles

Leave a Reply

Your email address will not be published. Required fields are marked *

Back to top button