BREAKING NEWSEXCLUSIVEPOLITICS

IMF ගිහින් මේ අර්බුදයෙන් රට ගොඩගන්න බෑ.. – ටිල්වින්

ශ්‍රී ලංකාවේ පවතින ණය අර්බුදයට විසඳුම ජාත්‍යන්තර මූල්‍ය අරමුදලෙන් තවත් ණයක් ලබාගැනීම නොවන බවත් එම අරමුදලෙන් දැනට ලබාදීමට යෝජනා වී ඇත්තේ ද සොච්චම් මුදලක් පමණක් බවත් ජනතා විමුක්ති පෙරමුණේ ප්‍රධාන ලේකම් ටිල්වින් සිල්වා මහතා පවසනවා.

“රනිල් වික්‍රමසිංහ සහ රාජපක්ෂලාගේ ආණ්ඩුව දැන් විශ්වාසය තියලා තියෙන්නෙ ජාත්‍යන්තර මූල්‍ය අරමුදල පිළිබඳව. ජාත්‍යන්තර මූල්‍ය අරමුදලෙන් ණයක් අරන් තමයි මේ අර්බුදයෙන් ගොඩයන්න හදන්නෙ. අපේ රටේ අර්බුදය ණය. ඉතින් ණය නිසා හැදිච්ච අර්බුදයක් බේරන්න පුළුවන්ද ණයකින් ? මම අහන ප්‍රශ්නය ඒකයි. අර්බුදය ණය නම් උත්තරය ණය වෙන්න පුළුවන්ද ? උත්තරය ණය වෙන්න බෑ. දැන් වෙන්න යන්නෙ ජාත්‍යන්තර මූල්‍ය අරමුදලෙන් ණයක් ගන්න එක. ඒගොල්ලො යෝජනා කළා ලංකාවට ණයක් තවම අනුමත කළේ නෑ, යෝජනා කළා විතරයි ඩොලර් බිලියන 2.9ක ණයක්. අනුමත කරන්න ඕනෙ මහා මණ්ඩලයෙන්. අවුරුදු 4කට, කොටස් 8කට. එතකොට අවුරුද්දකට මිලියන 725 යි. මාස හයට බැලුවොත් 360ක් වගේ එන්නෙ. මාසෙකට තෙල් ගේන්නම අපට යනවා 400ක්. රට ගොඩගනීද ? ඒකෙන් ගොඩගන්න බෑ. පුංචි ගාණක් ඕක. සොච්චමක් ඕක. ඕක අතට සල්ලි හම්බෙන්නෙත් නෑ. ඒ නිසා IMF ගිහිල්ලා මේක ගොඩගන්න බෑ. අපට මේ ඩොලර් බිලියන 10 – 15ක ප්‍රශ්නයක් තියෙන්නෙ”

 

Related Articles

Leave a Reply

Your email address will not be published.

Back to top button