BREAKING NEWSPOLITICS

ගෝඨා ජනපතිවරණ සටනෙන් ඉවත් වෙයිද ? තීරණාත්මක පෙත්සම සළකා බැලීම අද

ශ්‍රී ලංකා පොදුජන පෙරමුණේ ජනාධිපති ධූර අපේක්ෂක ගෝඨාභය රාජපක්ෂගේ ශ‍්‍රී ලාංකික පුරවැසිභාවය අභියෝගයට ලක්කරමින් ගොනුකළ පෙත්සම අද (02) සලකා බැලීමට නියමිතයි.

මෙම පෙත්සම ඉකුත් 30 වැනිදා අභියාචනාධිකරණයේ ගොනුකළේ ගාමිණි වියන්ගොඩ හා චන්ද්‍රගුප්ත තේනුවර නම් N.G.O ක්‍රියාකරුවන් දෙදෙනෙක් විසින්. එහිදී තීරණය කෙරුණේ අද, හෙට (03) සහ අනිද්දා (04) මෙම පෙත්සම සලකා බැලීමටයි.

මේ අතර ජනාධිපති ධූර අපේක්ෂක ගෝඨාභය රාජපක්ෂගේ මෙරට පුරවැසිභාවය අභියෝගයට ලක්කරමින් පවරා ඇති නඩුව පදනම් විරහිත කරුණු මත ගොනුකර ඇති බව නීතීඥයින් දැනුම් දුන්නේ යැයි පාර්ලිමේන්තු මන්තී‍්‍ර උදය ගම්මන්පිල පවසනවා.

ඔහු ප‍්‍රකාශ කළේ ජනාධිපතිධූර අපේක්ෂක ගෝඨාභය රාජපක්ෂගේ ජයග‍්‍රහණය පිළිබඳ ප‍්‍රතිවාදීන් හොඳින් දන්නා බැවින් ඔහු ජනාධිපතිවරණයට ඉදිරිපත්වීම වැළැක්වීමට මෙතරම් උත්සහ දරණ බවයි.

ජනාධිපති ධූර අපේක්ෂක ගෝඨාභය රාජපක්ෂගේ ජයග‍්‍රහණයට එක්සත් ජාතික පක්ෂය බියවී සිටින බව පාර්ලිමේන්තු මන්තී‍්‍ර අනුර පි‍්‍රයදර්ශන යාපා ප‍්‍රකාශ කළා.

Related Articles

Leave a Reply

Your email address will not be published. Required fields are marked *

Back to top button