BREAKING NEWSEASTEXCLUSIVEINTERNATIONAL NEWSVIRAL NEWS

කොවිඩ් අස්සේ ළමුන් බිලිගන්නා අභිරහස් මාරාන්තික උණකුත්..

දින කිහිපයක සිට වැඩි වශයෙන් කුඩා දරුවන් බිළිගන්නා ‘අභිරහස් උණක්’ පැතිරෙමින් යන බව උතුරු ඉන්දියාවෙන් උත්තර් ප්‍රදේශ් ප්‍රාන්තයෙන් වාර්තා වනවා.

මෙම ‌උණ වැළදුණු අයගෙන් බොහෝ දෙනෙක්ට සන්ධි වේදනාව, හිසරදය, විජලනය සහ ඔක්කාරය යන රෝග ලක්ෂණ මතුව ඇති බවත්, සමහර අවස්ථාවලදී කකුල් සහ අත් හරහා කුෂ්ඨ පැතිරෙන බවත් දැනුම් දී ඇති බව සදහන්.ප්‍රාන්තයේ නැගෙනහිර කොටසේ දිස්ත්‍රික්ක හයක අවම වශයෙන් පුද්ගලයින් 50 දෙනෙකු හෝ වැඩි වශයෙන් ළමයින් මිය ගොස් ඇති අතර සිය ගණනක් රෝහල් ගත කර තිබෙනවා.

මියගිය කිසිවෙකුටත් කොරෝනා ආසාදනය වී නොමැති බවද තහවුරු වී ඇත. මාරාන්තික දෙවන කොරෝනා වයිරස් රැල්ලෙන් ඉන්දියාව සෙමෙන් සුවය ලබන බවක් පෙනෙන්නට තිබෙන අවස්ථාවක, ඉන්දියාවේ වැඩිම ජනාකීර්ණ ප්‍රාන්තයක් වන ගම්බද ප්‍රදේශයන් හරහා පැතිර යන “අභිරහස් උණ” ගැන උත්තර් ප්‍රදේශ් ජනතාව බියට පත්ව සිටින බවක් විදේශ මාධ්‍ය පෙන්වා දෙයි.

බලපෑමට ලක් වූ දිස්ත්‍රික්ක අතර ආග්‍රා, මථුරා, මේන්පුරි, ඒටා, කස්ගන්ජ් සහ ෆිරෝසාබාද් ප්‍රධානයි.වෛද්‍යවරු විශ්වාස කරන්නේ මරණයට ප්‍රධාන හේතුව විය හැක්කේ ඩෙංගු, මදුරුවන්ගෙන් බෝවන වෛරස් ආසාදනයක් විය හැකි බවයි.

Related Articles

Leave a Reply

Your email address will not be published. Required fields are marked *

Back to top button