BREAKING NEWSEXCLUSIVEVIRAL NEWS

අන්තර්ජාලය සහ දුරකථන මාර්ග ඔස්සේ සිදුවන ජාවාරමක් ගැන හෙළිවෙයි.

ත්‍රස්ත ක්‍රියා විමර්ශන කොට්ඨාසය හා අපරාධ පරීක්ෂණ දෙපාර්තමේන්තුව ආදී ආයතනවල නිලධාරීන් බව පවසා ස්ථාවර දුරකථනවලට ඇමතුම් ලබාදී, පුද්ගලයින් බියගන්වා මුදල් ලබාගැනීමේ ජාවාරමක් සම්බන්ධයෙන් තොරතුරු අනාවරණ වී තිබෙනවා.

ඒ අනුව අන්තර්ජාලය ඔස්සේ සහ දුරකථන මාර්ග ඔස්සේ කරන වංචනික ක්‍රියා පිළිබඳව මේ දිනවල නැවතත් පැමිණිලි ලැබෙන බව පොලිස් මාධ්‍ය ප්‍රකාශක නියෝජ්‍ය පොලිස්පති අජිත් රෝහණ මහතා සඳහන් කරනවා.

ඔබට ,ඔබේ සමාජ ජාලා මාධ්‍ය ගිණුමට ,විද්‍යුත් තැපෑලට පණිවිඩයක් ලැබීමට හැකියාවක් පවතින බවයි ඔහු සඳහන් කරන්නේ

ලොතරැයි හෝ වෙනත් ආකාරයක දිනුමක් ලැබී ඇති බව හෝ දුරකථන සමාගමක් මගින් දිනුමක් ලැබී ඇති බව හෝ විදේශයක සිටින මිතුරෙක් ත්‍යාගයක් එවා ඇති බවට වශයෙන් පණිවිඩ ලැබීමට හැකියාවක් පවතින බවයි අජිත් රෝහණ මහතා පවසන්නේ

අන්තර්ජාලය හරහා අන්තර්ජාල අපරාධකරුවන් විසින් සිදුකරන ක්‍රියාවන් බවත් කිසිම අවස්ථාවක මෙවැනි දේවල් වලට නොරැවටෙන ලෙසත් මුදල් තැන්පත් කිරීමට නොයන ලෙසත් වැඩිදුරටත් ඉල්ලා සිටිනවා

එමෙන්ම ඔබේ ස්ථාවර දුරකථනයට ඇමතුම් පොලිසියෙන් බව පවසා ඇමතුම් ලැබිය හැකියි. විශේෂයෙන්ම ත්‍රස්ත ක්‍රියා විමර්ශන ඒකකයෙන් හෝ අපරාධ පරීක්ෂණ දෙපාර්තමේන්තුවේ නිලධාරීන් බව පවසා මෙම ඇමතුම් ලැබෙන බවත් එම ඇමතුම් වලදී ඔබෙන් තොරතුරු විමසන බවයි.

එහිදී විමසන්නේ “ඔබට පාස්කු ප්‍රහාරයට සම්බන්ධයක් ඇති බවත් .ඒ සඳහා ප්‍රකාශයක් සටහන් කර ගැනීමට නිවසට පැමිණෙන බවත් ,පැමිණෙන වාහනයට ගෙවීමට මුදලක් තැන්පත් කරන ලෙසත් ඉල්ලා සිටින බවයි.

මෙවැනි ක්‍රියා සිදුකරන්නේ අපරාධකරුවන් සහ බන්ධනාගාරගතව සිටින්නන් බවත් මේ පිළිබඳව පුළුල් විමර්ශනක් ක්‍රියාත්මක බවත් අජිත් රෝහණ මහතා ප්‍රකාශ කරනවා.

පොලිස් මාධ්‍ය ප්‍රකාශක නියෝජ්‍ය පොලිස්පති අජිත් රෝහණ ජනතාවට වැඩි දුරටත් දැනුම් දෙන්නේ මේ සම්බන්ධයෙන් දැඩි අවධානයෙන් කටයුතු කරන ලෙසටයි.

Related Articles

Leave a Reply

Your email address will not be published. Required fields are marked *

Back to top button