BREAKING NEWSCOVID19 - UPDATESEXCLUSIVE

අගෝස්තු 1 වැනිදා සිට පළාත් අතර පොදු ප්‍රවාහන සේවා ඇරඹේ

කොන්දේසි කිහිපයක් යටතේ අගෝස්තු මස 1 වැනිදා සිට පළාත් අතර මගී ප්‍රවාහන කටයුතු සීමිත ප්‍රමාණයකින් ආරම්භ කිරීමට කටයුතු කරන බව ප්‍රවාහන රාජ්‍ය අමාත්‍ය දිලුම් අමුණුගම මහතා පවසයි.

අමාත්‍යවරයා සදහන් කළේ ශ්‍රී ලංකා ගමනාගමන මණ්ඩලයේ සහ පෞද්ගලික අංශයේ බස්රථ සීමිත ප්‍රමාණයක් පළාත් අතර ධාවනය කරවීටම පියවර ගන්නා බවයි.

ඒ අනුව කාර්යාල වේලාවන්හිදි පමණක් දිනපතා උදේ සහ සවස මේ ආකාරයට බස් රථ ධාවනය කිරීමට බලාපොරොත්තු වන බවද අමාත්‍යවරයා පැවසීය.

එමෙන්ම සීමිත දුම්රිය සංඛ්‍යාවක් අගෝස්තු මස 1 වැනිදා සිට පළාත් අතර මගී ප්‍රවාහනය සදහා යෙදවීමට කටයුතු කරන බව දිලුම් අමුණුගම අමාත්‍යවරයා සදහන් කළේය.

රට තුළ මේ වන විට කොවිඩ් ඩෙල්ටා ප්‍රභේදය ව්‍යාප්තවෙමින් තිබෙන බැවින් ජනතාව පොදු ප්‍රවාහන සේවය භාවිතා කිරීමේදී දැඩි ලෙස පරීක්ෂාකාරී විය යුතු බව ද අමාත්‍යවරයා පැවසීය.

 

Related Articles

Leave a Reply

Your email address will not be published. Required fields are marked *

Back to top button