BREAKING NEWSEXCLUSIVE

හෙට සහ අනිද්දා යළි සෞඛ්‍ය සේවක වැඩවර්ජනයක්..

සෞඛ්‍ය සේවයේ වෘත්තීය සමිති 17ක එකතුවෙන් හෙට සහ අනිද්දා යන දින දෙකෙහි වැඩවර්ජනයක් ක්‍රියාත්මක කිරීමට තීරණය කර තිබේ.

රජයේ හෙද නිලධාරීන්ගේ සංගමයට අධිකරණ වාරණ නියෝගයක් ක්‍රියාත්මක වන හෙයින් එම සංගමය මෙම වර්ජනයට සම්බන්ධ නොවෙන බවයි රජයේ හෙද නිලධාරීන්ගේ සංගමය වෙනුවෙන් එහි සභාපති සමන් රත්නප්‍රිය මහතා පැවසුවේ.

පසුගියදා පැවති අඛණ්ඩ වැඩ වර්ජනයෙන් පසු ඉල්ලීම ඉටුකරන බවට රජය පොරොන්දු වී තිබුණද ඒවා ඉටු කිරීමට අපොහොසත් වීම මතයි සෞඛ්‍ය වෘත්තීය සමිති සම්මේලනය විසින් වැඩවර්ජනය යලි සක්‍රීය කර තිබෙන්නේ.

වැටුප් විෂමතාව විසඳීමට අදාළ කැබිනට් පත්‍රිකාව ඉදිරිපත් කිරීමට නියමිතව තිබුණත් එය ද ඉටු නොවුණු බවයි වෘත්තීය සමිති චෝදනා කරන්නේ.

පවතින ප්‍රශ්න සම්බන්ධයෙන් සාකච්ජා කිරීමට ඕනෑම අවස්ථාවක සූදානම් බවද අමාත්‍යාංශ ලේකම්වරයා වෙත දැනුවත් කර තිබෙන අතර ජනතාව පීඩාවට පත්කර ඉල්ලීම් ලබා ගැනීමට සූදානම් නැති නමුත් වැඩවර්ජනයක් ක්‍රියාත්මක බව දැනුම් දී තිබියදී හෙට දින රෝහල් වෙත පැමිණ ඒ ගැන නොදන්නා බව නොකියන ලෙසද මෙම වෘත්තීය සමිති ජනතාවගෙන් ඉල්ලා සිටියි.

Related Articles

Leave a Reply

Your email address will not be published.

Back to top button