BREAKING NEWSEXCLUSIVEPOLITICS

රන්ජන්ට නිදහස ?

හිටපු පාර්ලිමේන්තු මන්ත්‍රී රන්ජන් රාමනායක මහතා හෙට දිනයේදී ජනාධිපති සමාව මත නිදහස් කිරීමට බොහෝදුරට ඉඩ තිබෙන බව අමාත්‍ය හරීන් ප්‍රනාන්දු මහතා පවසනවා. ඇමතිවරයා ට්විටර් පණිවුඩයක් නිකුත් කරමින් පවසන්නේ අද නැතහොත් ලබන 29 වැනිදා ඔහුට නිදහස හිමිවනු ඇති බවයි.

රන්ජන් රාමනායක මහතාට නිදහස ලබාදීම වෙනුවෙන් තමාත් අමාත්‍ය මනුෂ නානායක්කාර මහතාත් අවස්ථා කිහිපයකදී ජනාධිපති රනිල් වික්‍රමසිංහ මහතාගෙන් ඉල්ලීම් සිදුකළ බවත්, එහි ප්‍රතිඵලයක් ලෙස රන්ජන් රාමනායක මහතා නිදහස ලබනු ඇති බවත් හරීන් ප්‍රනාන්දු මහතා ප්‍රකාශ කරනවා.

මේ සඳහා වෙහෙස නොබලා කටයුතු කළ අධිකරණ අමාත්‍ය විජේදාස රාජපක්ෂ මහතා ඇතුළු සියලුදෙනාට තමන්ගේ ස්තුතිය හිමිවන බවයි ඇමතිවරයා වැඩිදුරටත් පවසන්නේ.

අධිකරණයට අපහාස කිරීමේ චෝදනාවට වැරදිකරු වූ රන්ජන් රාමනායක මහතාට වසර 04 ක බරපතල වැඩ සහිත සිරදඬුමක් නියම විය.

Related Articles

Leave a Reply

Your email address will not be published.

Back to top button