BREAKING NEWSEXCLUSIVEPOLITICS

ගෝල්ෆේස් අරගල බිමේ තීන්දුව වෙනස් වෙයි!

දින 97ක අඛණ්ඩ මහජන අරගලයකින් පසු අද දවස වන විට ජනතා අරගලය ජයග්‍රහණකට පිවිස තිබෙන තත්ත්වයක මහජන සාමය ආරක්ෂා කර ගැනීම සඳහා ජනතාව විසින් අත්පත්කරගත් ජනාධිපති ලේකම් කාර්යාලය,අගමැති ලේකම් කාර්යාලය සහ අරලියගහ මන්දිරය යන රජයේ ගොඩනැගිලිවලින් ඉවත්වීමට අරගලකරුවන් තීරණය කර තිබේ.

අද ගෝල්ෆේස් අරගල බිමේදී මාධ්‍ය හමුවක් කැඳවමින් අරගලකරුවන් වෙනුවෙන් ජීවන්ත පීරිස් පියතුමා මේ බව ප්‍රකාශ කරන ලදී.

ජනාධිපතිවරයාට අද ලෝකයක් නැති තරමට අනාථ වී සිටින අතර ශ්‍රී ලාංකික ජනතාවට කළ අයුක්ති සහගත දේවල්වලට ඔහුට මේ මොහොතේ නිසි දඬුවම ලැබී ඇති බවයි පියතුමා අවධාරණය කළේ.

ඒ අනුව ගෝඨාභය රාජපක්ෂ ජනාධිපති ධූරයෙන් එලවා දැමීම මේ මොහොතේ ප්‍රකාශයට පත්කරන බවත් දෙවන ඉල්ලීම වන රනිල් වික්‍රමසිංහ බලය අතහැරිය යුතු බවත් පියතුමා අවධාරණය කළහ.

Related Articles

Leave a Reply

Your email address will not be published.

Back to top button