BREAKING NEWSCOVID19 - UPDATESEXCLUSIVE

මරණ අඩුවෙයි – ඇදිරිනීතිය නිමාවෙයි

දැනට ක්‍රියාත්මක නිරෝධායන ඇඳිරි නීතිය සැප්. 21 වන දා දක්වා ක්‍රියාත්මක කෙරෙන බවත් එම දින වෙනස් වුවහොත් ඉදිරියේදී ඒ පිළිබඳව දැනුම් දෙන බවත් සම කැබිනට් ප්‍රකාශක, වැවිලි අමාත්‍ය වෛද්‍ය රමේෂ් පතිරණ මහතා පවසයි.

අද පැවති කැබිනට් තීරණ දැනුම් දීමේ මාධ්‍ය හමුවේ මාධ්‍යවේදියෙකු නැගූ ප්‍රශ්නයකට පිළිතුරු දෙමින් ඔහු මේ බව සඳහන් කළේය.

නිරෝධායන ඇඳිරි නීතිය ක්‍රියාත්මක කාලය තුළ කොරෝනා ආසාදිතයන්ගේ සහ කොවිඩ් මරණ සංඛ්‍යාවේ අඩු වීමක් දක්නට ලැබෙන බවත් සැප්තැම්බර් මාසයේ අවසානය වන විට අසාදිතයන් සහ කොවිඩ් මරණ සංඛාත්මකව අඩු වනු ඇතැයි විශ්වාස කරන බවත් ඔහු පවසයි.

“මේ රටේ අසංවිධිත ආර්ථිකයකින් ජීවත් වෙන ලක්ෂ සංඛ්‍යාත පිරිසක් මෙම නිරෝධායන ඇඳිරි නීතිය හරහා අපහසුතාවට පත් වෙමින් ජීවිකාව කරගෙන යාමට ඉතා ම අසරණ වෙලා තියෙන බව අපි දන්නවා. ඒ නිසා ඔවුන් වෙනුවෙන් තමයි යම් කිසි ප්‍රමාණයක බුරුලක් ලබලා තියෙන්නෙ ඔවුන්ගේ ආර්ථිකය පවත්වා ගෙන යාමට ආර්ථික මධ්‍යස්ථාන විවෘත කොට කෘෂිකර්ම ක්ෂේත්‍රය, වැවිලි ක්ෂේත්‍රය, අපනයන ක්ෂේත්‍රයන්ට අවසර ලබා දීලා තියෙන්නේ. “

නිරෝධායන ඇඳිරි නීතිය කුඩා ව්‍යාපාර සඳහා ඇති කරන බලපෑම පිළිබඳව අද පැවති කැබිනට් තීරණ දැනුම් දීමේ ප්‍රවෘත්ති සාකච්ඡාවේදී අසන ලද ප්‍රශ්නයකට පිළිතුරු දෙමින් වෛද්‍ය රමේෂ් පතිරණ මහතා මේ බව පැවසීය.

Related Articles

Leave a Reply

Your email address will not be published.

Back to top button