BREAKING NEWSEXCLUSIVE

සැපපහසු නවීන බස් රථ 2000ක් යුරෝපයෙන් ගෙන්වයි – සියල්ල ලංකා ගමනාගමන මණ්ඩලයට

මෙරට පොදු ප්‍රවාහන සේවාව ශක්තිමත් කිරීම සඳහා නවීන මගී බස් රථ දෙදහසක් ආනයනය කිරීමට මගී ප්‍රවාහන කලමනාකරණ අමාත්‍යාංශය පියවර ගෙන තිබේ.

පහත් පතුල් සහිත බස් රථ ආනයනය කිරීම සඳහා මෙලෙස පියවර ගෙන ඇති අතර ඒ සඳහා රුපියල් මිලියන 1750 ක මුදලක් වෙන් කර ඇති බව එම අමාත්‍යාංශය සදහන් කළේය.

යුරෝපය,මැලේසියාව, ජපානය ඇතුළු රටවල මගී ප්‍රවාහනය පහසු කිරීම සඳහා සැපපහසු පහත් පතුල් සහිත බස්රථ භාවිත කෙරේ.

මෙරට දැනට භාවිත කරන ඉන්දීය බස්රථවල මගී පහසුව හෝ ආරක්ෂිත ක්‍රමවේද සම්බන්ධයෙන් අවධානය යොමු නොකෙරන අතර මේ හේතුවෙන් පොදු ප්‍රවාහන සේවාවේදී මගීන් දුෂ්කරතාවන්ට පත් වේ.

මීට පිළියමක් ලෙස මගී පහසුව සැලසීමේ අරමුණින් අදාල බස්රථ යුරෝපයෙන් ආනයනය කිරීමට කටයුතු යොදා ඇති අතර එම බස්රථ ලංකා ගමනාගමන මණ්ඩලය වෙත ලබාදීමට පියවර ගන්නා බව මගී ප්‍රවාහන කලමනාකරණ අමාත්‍යාංශය සඳහන් කළේය.

මේවන විටත් නාගරික ප්‍රදේශ කිහිපයක සහ අධිවේගි මාර්ගයන්ගේ මෙවැනි බස්රථ ධාවනයට යොදවා ඇති බව සඳහන්.

Related Articles

Leave a Reply

Your email address will not be published. Required fields are marked *

Back to top button