BREAKING NEWSEXCLUSIVEPOLITICS

චීන ජනපති, ශ්‍රී ලංකා ජනපතිට සුබ පතයි..

ශ්‍රී ලංකා ප්‍රජාතාන්ත්‍රික සමාජවාදී ජනරජයේ ජනාධිපතිවරයා ලෙස තේරී පත් වූ රනිල් වික්‍රමසිංහ මහතාට චීන ජනාධිපති ෂී ජින්පින්ග් මහතා සුබපැතුම් එක් කළ බව චීන මහජන සමූහාණ්ඩුවේ විදේශ කටයුතු අමාත්‍යාංශය නිවේදනයක් නිකුත් කරමින් පවසයි.

චීනය සහ ශ්‍රී ලංකාව එකිනෙකාට සාම්ප්‍රදායික මිත්‍ර අසල්වැසියන් බව ෂී ජින්පින්ග් සිය පණිවිඩයෙන් පෙන්වා දී ඇත.

“ජනාධිපති වික්‍රමසිංහ මහතාගේ නායකත්වය යටතේ ශ්‍රී ලංකාව නිසැකවම තාවකාලික දුෂ්කරතා මැඩපවත්වමින්, ආර්ථික හා සමාජයීය පුනරුත්ථාපනය ඉදිරියට ගෙන යාමට ශ්‍රී ලංකාවට හැකි වනු ඇති බවට චීන ජනාධිපතිවරයා සිය විශ්වාස පළ කරයි.

වසර 65 කට පෙර රාජ්‍ය තාන්ත්‍රික සබඳතා ඇති කර ගැනීමෙන් පසු දෙරට අතර මිත්‍රශීලී සහජීවනය සහ අන්‍යෝන්‍ය වශයෙන් සහයෝගීතාව සඳහා හොඳ ආදර්ශයක් සපයමින් අන්‍යෝන්‍ය ගෞරවය, සමානාත්මතාවය සහ අන්‍යෝන්‍ය ප්‍රතිලාභ මත ද්විපාර්ශ්වික සබඳතා වර්ධනය කර ගනිමින් සිටින බව එම නිවේදනයේ සඳහන් වේ.

කොවිඩ් වසංගතය පැතිර ගිය දා සිට, චීනය සහ ශ්‍රී ලංකාව එක්ව සිට එකිනෙකාට උදව් කරගත් බවත් එය සාම්ප්‍රදායික මිත්‍රත්වය ඉහළ නංවා ඇතැයි සදහන් කෙරේ.

රනිල් වික්‍රමසිංහ ජනාධිපතිවරයා ප්‍රමුඛ ශ්‍රී ලංකා රජයටත්, ශ්‍රී ලාංකික ජනතාවටත් උපරිම සහය ලබා දීමට චීනය කැමැත්තෙන් සිටී. චීනය හා ශ්‍රී ලංකාව සාම්ප්‍රදායික මිත්‍රත්වය හා දේශපාලන විශ්වාසය තහවුරු කරමින් ද්විපාර්ශ්වික උපායමාර්ගික සහයෝගිතා තවදුරටත් ඉදිරියට ගෙන යනු ඇතැයි බලාපොරොත්තු වන බව ද චීන ජනාධිපතිවරයා වැඩිදුරටත් සඳහන් කර ඇත.

Related Articles

Leave a Reply

Your email address will not be published.

Back to top button