BREAKING NEWSEXCLUSIVEPOLITICS

අනුර ජවිපෙ ආණ්ඩුව නම් කරයි. ඇමතිකම් ගැනත් කියයි.

ජවිපෙ ආණ්ඩුවක් යටතේ අමාත්‍ය ධූර 25ක් පමණක් පත් කරන බව එහි නායක අනුර කුමාර දිසානායක මහතා පවසනවා.

ඒ මහතා පෙන්වා දුන්නේ කණ්ඩායමක් මගින් ඒ ඒ ක්ෂේත්‍රයන් කළමනාකරණය කරන බවයි.

”මේක තනි පුද්ගලයෙක්ගේ මැජික් ක්‍රියාකාරීත්වයක් නෙවෙයි. එනිසා අපි ඉදිරියේදී අපේ රටේ අමාත්‍යාංශ උපරිම 25 යි, නියෝජ්‍ය අමාත්‍ය ධුර 25 යි. එතනින් උඩ යන්න බෑ අපේ රටේ. 25ත් වැඩියි ජපානෙත් එක්ක සංසන්දනය කරලා බලනකොට. හැබැයි අපට තියෙන්නෙ කඩාවැටිච්ච රටක් ගොඩගන්න. එනිසා යම් අමාත්‍යාංශ ප්‍රමාණයක් ඕනෑ. ඒ කියන්නෙ අපට තියෙන්නෙ වැටිච්ච රටක් නෙ, ජපානෙට ඕනෙ නෑ, ඒගොල්ලොන්ට තියෙන්නෙ පවත්වාගෙන යන්න. අපට තියෙන්නෙ වැටිච්ච රටක් ගොඩගන්න. එනිසා ඒකට වැඩි සෙට් එකක් දලා, බර දාලා ඒක අදින්න ඕනෙ. එනිසා අපි උපරිම අමාත්‍යාංශ 25 යි, නියෝජ්‍ය අමාත්‍ය ධුර 25යි. වෙන රාජ්‍ය, ව්‍යාපෘති කෑලි මොකුත් නෑ. මේවා දීලා තියෙන්නෙ සනසන්න. ඒක අපි වෙනස් කරනවා.

වෙනස් කරලා මොකද කරන්නෙ ? අන්න ඒකට අපි හොඳ කණ්ඩායමක් පත් කරනවා. හරිද ? අධ්‍යාපනය ගත්තොත් කවුද අපේ ? අපෙ හොඳම කණ්ඩායම. දැන් අපි සෞඛ්‍ය උදාහරණයක් හැටියට ගත්තොත්, අපි අපේ කණ්ඩායමක් හඳුන්වා දෙනවා මේගොල්ලො තමයි සෞඛ්‍ය ගොඩනඟන වගකීම බාරගන්නෙ කියලා. අපේ නලින්ද ජයතිස්ස වෛද්‍යවරයෙක්. අපේ විශේෂඥ වෛද්‍ය නිහාල් අබේසිංහ. රාගම වෛද්‍ය පීඨයේ මහාචාර්ය නිශාන්ත අබේසිංහ. මේගොල්ලො තමා අපේ වෛද්‍ය භාර කණ්ඩායම.

මෙන්න මේ කණ්ඩායම තමා අපේ අධ්‍යාපනය භාර කණ්ඩායම. මේගොල්ලො තමා සෞඛ්‍ය භාර කණ්ඩායම. මේගොල්ලො තමා විදේශ ප්‍රතිපත්ති හදන කණ්ඩායම. අපෙ මහාචාර්ය අනිල් ජයන්ත, අපේ සුනිල් හඳුන්නෙත්ති සහෝදරයා, අපේ වසන්ත සමරසිංහ සහෝදරා, ඒගොල්ලො තමා අපේ ආර්ථිකය භාර කණ්ඩායම. මේ රටේ මෙතෙක් ගොඩනැඟුණු හැම අමාත්‍යවරයෙකුටම වඩා දක්ෂ, ඒ පිළිබඳව අවබෝධයක්, කැපකිරීම්, අවංකභාවය තිබෙන, අදූෂිත අමාත්‍ය මණ්ඩලයක් අපි හදනවා. අන්න ඒ අමාත්‍ය මණ්ඩලය තමයි රට පාලනය කරන්නෙ”

අනුර දිසානායක මහතා මේ බව පැවසුවේ ඊයේ (20) මොරටුව රන්දිය හෝටලයේ පැවති ජනහමුවක් අමතමිනි.

අද කිසිදු අමාත්‍යවරයෙක් ආණ්ඩුව ඇතුළේ සිදුවන දෑ නොදන්නා බවත්, කිසිදු සාමූහිකත්වයක් නොමැති බවත් ඒ මහතා කියා සිටියා.

 

Related Articles

Leave a Reply

Your email address will not be published.

Back to top button