BREAKING NEWSEXCLUSIVEPOLITICS

ජාතික ආණ්ඩුවේ අගමැතිකම සජිත්ට දෙන්න – රනිල් ඉල්ලයි

ඉදිරියේදී නිර්මාණය කිරීමට නියමිත ජාතික ආණ්ඩුවේ අග්‍රාමාත්‍ය ධුරය වත්මන් විපක්ෂ නායක සජිත් ප්‍රේමදාස මහතාට ලබාදෙන ලෙස එක්සත් ජාතික පක්ෂ නායක රනිල් වික්‍රමසිංහ මහතා ඉල්ලීමක් කර ඇති බව අභ්‍යන්තර ආරංචිමාර්ග පවසයි.

සජිත් ප්‍රේමදාස මහතා යනු නිල බලයෙන්ම රටේ විපක්ෂ නායකවරයා නිසාත් ඔහුගේ කණ්ඩායම නොමැතිව ජාතික ආණ්ඩුවකට ඉදිරියට යෑමට අපහසු නිසාත් අග්‍රාමාත්‍ය ධුරය ඔහුට ලබාදීම වඩාත් සුදුසු බව රනිල් වික්‍රමසිංහ මහතා එහිදී පෙන්වාදී ඇති බව සඳහන්.

විශේෂයෙන්ම ජාතික ආණ්ඩුවක් යනු හැකිතාක් පාර්ශ්ව ඊට එකතු කරගනිමින් පොදු එකඟතාවක් මත ක්‍රියාත්මක වන්නක් නිසා විපක්ෂයේ වැඩිම මන්ත්‍රී ධුර ගණනක් සහිත පක්ෂය වන සමගි ජන බලවේගයේ නායකයා වන සජිත් ප්‍රේමදාස මහතාට අග්‍රාමාත්‍ය ධුරය පැවරීම වඩාත් ඵලදායී වනු ඇතැයි වික්‍රමසිංහ මහතා වැඩිදුරටත් ප්‍රකාශ කර ඇති බවයි ආරංචිමාර්ග පැවසුවේ.

ජාතික ආණ්ඩුවේ අග්‍රාමාත්‍ය ධුරය රනිල් වික්‍රමසිංහ මහතාට ලබාදීමට මුල පටන් යෝජනා වී තිබුණ ද ඒ මහතා ඒ සම්බන්ධයෙන් කුරුමාණම් අල්ලමින් සිටියා විනා විශේෂ උත්සාහයකින් කටයුතු නොකළ බව අපි මීට පෙර පුවතකින් වාර්තා කළෙමු.

ඒ අනුව ජාතික ආණ්ඩු කතාව දැන් අලුත්ම පැත්තකට පෙරළෙමින් තිබේ.

Related Articles

Leave a Reply

Your email address will not be published.

Back to top button