BREAKING NEWSEXCLUSIVEVIRAL NEWS

දැඩි සත්කාර ඒකකයෙන් පැනයාමට උත්සහ කල කොරෝනා ආසාදිතයා ඇද වැටී මරුට..

කොරෝනා ප්‍රතිකාර මධ්‍යස්ථානයකින් අවසිහියෙන් පැනයෑමට උත්සාහ කළ ආසාදිතයෙක් මරණයට පත්වී තිබෙන පුවතක් අනුරාධපුරයෙන් වාර්තා වනවා.

අනුරාධපුර ශික්ෂණ රෝහලේ “මෙත්සිරි සෙවණ “කොරෝනා ප්‍රතිකාර මධ්‍යස්ථානයේ දැඩිසත්කාර ඒකකයේ ප්‍රතිකාර ලබමින් සිටි රෝගියෙකු අද  (11) අලුයම 3.00ට පමණ අවසිහියෙන් පළායාමට දැරූ උත්සාහයේදී රෝගී තත්ත්වය උත්සන්න වී පසුව මරණයට පත්වී තිබෙනවා.

අනුරාධපුර යසසිරිපුර පදිංචිකරුවෙකු වන 37 හැවිරිදි මියගිය එම තැනැත්තා එක්දරු පියෙකි. මොහු කොරෝනා වෛරසය ආසාදනය වී අනුරාධපුර ශික්ෂණ රෝහලේ කොරෝනා රෝගීන් ඇතුළත් කෙරෙන අංක – 12 වාට්ටුවේ ප්‍රතිකාර ලබමින් සිටියදී රෝගී තත්ත්වය උත්සන්නවී මෙත්සිරි සෙවණේ දැඩිසත්කාර ඒකකයට ඊයේ  (10) පස්වරුවේ ඇතුළත්කර තිබුනා.

එහි ප්‍රතිකාර ලබමින් සිටි ඔහු අද  අලුයම  අවසිහියෙන් ඔක්සිජන් හා සේලයින් සම්බන්ධතා ගලවා ඇඳෙන් නැගිට දැඩි සත්කාර ඒකකයේ දොරේ වීදුරුවද කඩාගෙන එළියට පැන  දිවයද්දී ඇදවැටී තිබේ.

රෝහල් ප්‍රකාශකයෙකු පැවසුවේ මෙත්සිරි සෙවනේ කාර්ය මණ්ඩලයේ අය බිම වැටී සිටි එම ආසාදිතයා ව ගිලන් ඇඳක තබාගෙන නැවත දැඩි සත්කාර ඒකකයට ඇතුළත්කර ප්‍රතිකාර කිරීම ආරම්භකර ටික වෙලාවකින් මියගිය බවය.

Related Articles

Leave a Reply

Your email address will not be published. Required fields are marked *

Back to top button