BREAKING NEWSEXCLUSIVE

74වන ජාතික නිදහස් උළෙල අලුතෙන් එක්වන වෙඩි නොවදින සැහැල්ලු සන්නාහ සන්නද්ධ රථය

ශ්‍රී ලංකා විදුලි යාන්ත්‍රික හා ඉංජිනේරු (SLEME) රෙජිමේන්තුව විසින් නිෂ්පාදනය කරන ලද ප්‍රථම වෙඩි නොවදින සැහැල්ලු සන්නාහ සන්නද්ධ රථය Mine Resistance Ambush Protected Vehicle (Unicob- MRAPV) ආරක්‍ෂක මාණ්ඩලික ප්‍රධානී සහ යුධ හමුදාපති ජෙනරාල් ශවේන්ද්‍ර සිල්වා මහතා විසින් අද (31දා) ශ්‍රී ජයවර්ධනපුර ශ්‍රී ලංකා යුධ හමුදා මූලස්ථානයථානයේදී පරීක්ෂාවට ලක් කරනු ලැබීය.

මෙම සන්නද්ධ රථය 74 වන ජාතික නිදහස් උළෙලේ සන්නද්ධ රථ පෙළපාලිය සඳහා එක් කිරීමට නියමිතව අතර මෙවැනි රථ භාවිතා කරනුයේ යුධමය වාතාවරණයක් පවතින අවස්ථාවේදී එම ස්ථානයන් වෙත සෙබළුන් ආරක්ෂිතව රැගෙන යාමට සහ තුවාල වූ සෙබළුන් ආරක්ෂිතව රැගෙන ඒම වැනි කාර්යභාරයන් ට වීම් විශේෂත්වයකි.

ඉංජිනේරු අංශයේ කණ්ඩායම් 15 කගේ සහභාගිත්වයෙන් නිමවා ඇති මෙම රථයට වෙඩි හෝ බෝම්බ ප්‍රහාර මැඩගෙනයාමේ හැකියාවක් පවතින බව ආඥාපති බටකාර්ය සම්පාදන අණසක සහ විදුලි යාන්ත්‍රික ඉංජිනේරු බලකායේ බලකාධිපති මේජර් ජනරාල් ඉන්දු සමරකෝන් මහතා පැවැසීය.මෙවැනි රථයක් විදේශයකින් මිලදී ගැනීමේදී ලක්ෂ 2995ක මුදලක් වැය කෙරෙන අතර ලංකාවේ නිෂ්පාදනය කරනු ලැබූ මෙම වෙඩි නොවදින රථය සඳහා වැයවු මුදල ලක්ෂ 150ක බව ඒ මහතා පැවසීය.

මෙය මොඩලයක් ලෙස එළිදක්වා ඇති අතර මෙවැනි රථ 50ක අවශ්‍යතාවය පවතින බවද ඒ මහතා පැවැසීය. ඒ අනුව ඉදිරියේ දී මෙවැනි සැහැල්ලු වෙඩි නොවදින සන්නහ සන්නද්ධ රථ දහයක් යුධ හමුදාව විසින් නිෂ්පාදනය කිරීමට සැලසුම් කොට ඇති බවද ඒ මහතා පැවසීය.
මේ වන විට ලංකාව තුළ යුධමය වාතාවරණයක් නොමැති වුවද රට පුරා ඇතිවන නායයෑම් ගංවතුර ගිනි ගැනීම් වැනි හදිසි තත්වයන් වෙත සැලකිය යුතු සෙබලුන් සංඛ්‍යාවක් ආරක්ෂිතව රැගෙන යාමට මෙම රථයට හැකියාව පවතින බවද ඒ මහතා පැවසීය.

මෙතෙක් කල් විදේශයන් වෙතින් විශාල මුදලක් වැය කරමින් මිලදී ගනු ලැබූ මෙම රථ මේ වන විට ලංකාව තුළ ම යුද හමුදාවේ සහභාගිත්වයෙන් නිෂ්පාදනය කිරීමට හැකි වීම පිළිබඳව වැඩිදුරටත් අදහස් දැක් වූ ඒ මහතා මෙම රථයේ අංශක 360 හරවා ප්‍රහාරයක් එල්ල කල හැකි mm 12.7 ක යුත් ගිනි අවියකින්ද සමන්විත පැවසීය.

Related Articles

Leave a Reply

Your email address will not be published.

Back to top button